الحاقد يكتب: عيب اعتقال فنان.. وعار السكوت عليه

 

الصورة: عثمان ’’Mr Crazy ‘‘

بقلم: الفنان معاذ الحاقد


في الوقت لي كانت الدولة تشن حملة وحرب وهمية دونكيشوطية على ما يسمى ب ( التشرميل ) سيعطي وكيل الملك بمحكمة الإستئناف بالبيضاء الأمر باعتقال مغني الراب المغربي “ميستر كريزي” بتهمة التحريض على إستعمال المخدرات.

شاب فالبداية ديالو بسبب الأغنية الثالثة له ” عقلية محبسة ” في مشواره الفني، أغنية تتطرق لموضوع التشرميل وأرفقها بفيديو كليب يجسد فيه صور من الواقع اليومي “السرقة بالسلاح الأبيض وتعاطي المخدرات …” .

ولكن لي مبغاش يتفهم ليا هو كيفاش يمكن لينا نحاكموا الإنسان على الإبداع واخا نكونو مكنتافقوش معاه … معرفتش كيفاش كيفكرو هاد ناس … على هاد لحساب خاصنا نحاكمو حتا هادوك لمخرجين لي دارو أفلام مغربية فيها لقتيلة والدعارة والتجارة فالمخدرات … أنحاكمو بزاااف ديال الصحفيين لي حتا هوما كيوصفو الجرائم فالمقالات ديالهم .. أنحاكمو أي كاتب ولا ممثل ولا مغني وصف لينا الواقع الموسخ ديالنا ….

عثمان أو ’’ميستر كريزي‘‘ كيف كسمي راسو نقدرو منتافقوش معاه فهاداك شي لي كان كيدير ولكن واخا هوكداك كيبقا فنان خاصو يكون حدا والديه أصحابو ماشي فالحبس كيقرا الإجرام ،،، أفبلاصت منشدو عثمان حينت دار فيديو كليب كيبين فيه الواقع ديال بزاف المراهقين ( المشرملين ) فالأحياء الشعبية لي كيتعاطاو المخدرات … نمشيو نشدو هادوك لي كانو سباب حتى ولى الشباب المغربي بحال هوكدا ..

هادوك لمشرملين لكبار لي كيتاجرو فالحشيش المغربي أكيحاسبونا علا جوان..,

عثمان باقي مليوح فالحبس بلا حكم …

عثمان متسوقوش ليه لجمعيات ما تكلم عليه حتى واحد …

واش خاصو حتى يهدر فالسياسة عاد نضامنو معاه …..

أوديييي لعفووووووو

عثمان الله يطلق سراحك خويا

 



الأعنية التي اعتقل بسببها Mr crazy

 

 


شاهد أيضا
تعليقات الزوار
Loading...