لبلا الحربوشي يكتب: تحلوفيت ولا التفرويح؟؟؟

موشكيلة … مصر كتموت ألا كتحيا بالدم ديال ناس لي كيموتو…
شي يومين هادي كنت تلاقيت بالخوادري …كنهضرو علا بزاف ديال لحوايج … واحد لحظة لقينا راسنا كناقشو فداك شي لي واقع فمصر … شعلت سيجارة أكنسمع ليه كهضر أكاعي علا ناس لي هوما ضد الإخوان…
قال لي بلي بزاف دناس منهم باسم يوسف أعلاء الأسواني أشي مثقفين أخرين لي كانو كسبو أكنتاقدو الإخوان … مالهم ما هضرو دابا ؟ نعرفوهم كينين إهضرو علا لعسكر ؟ أبزاف ديال لمناضلين مغاربة حتا هوما مصدقوش … ناس كتموت أهوما كضحكو عليهم … فيناهي لإنسانية …
بقيت ساكت كنسمع… أنا ممتبعش داك شي لي واقع … خاصني نبني علا لهضرة لي كيقول باش إمكن ليا نجاوب
قلت ليه: خويا حنا مكينينش تما باش إمكن لينا نحكمو عليهم … أنا مكنتيقش فلإعلام
– واااا معاد راه كلشي واضح.
– أش غنقوليك … حسب تحليلي لداك شي لي واقع … كي بان ليا بلي لإخوان هوما سباب داك شي لي واقع … هوما ناس دينيين درافات غ نية مساكن … دين إعرفو ليه ولكن راه لا علاقة ليهم بالسياسة
– أنا متافق معاك ولكن الإنقلاب لعسكري ماشي حل
– وا معاك أنا … لا عسكر لا إخوان كلشي حلوف… منكدبش عليك كي بان ليا مزيان هاد شي لي واقع … أنا كنحاول منتفرجش فالفيديوات … باش منتأثرش أنتعاطف … عربان لإنسان عندو ولا رخيص … راه ماشي غير مصر لي واقع فيها داك شي … كينا سوريا أليبيا ألبحرين ألمغريب حتا هو ناس ميتا أهي عايشة ..

معلينا أنا لي كيبان ليا … واخا هاد شي لي غنقولك هتليري شويا ولكن هذا هو لواقع …
حنا لأمزيغ ألعرب أشعوب لي فهاد لمنطقة من لمغريب تال شرق لأوسط غير حلوف مكنتجو والو غير متقلين علا لكرة لأرضية … من لأحسن لينا نموتو …
– واااا صحبي راه ماشي هاذا هو لموشكيل راه إمكن لينا نعيشو كاملين لخير موجود …
– ميمكنش بهاد لعقلية ديال تحلوفيت…. ما صالح لينا تا نظام …. ألحل لوحيد لي كبان ليا لإنسانية باش إمكن بيها تكون بخيير …. هو نقسمو لكرة لأرضية علا جوج …. نحيدو لأنظمة ألقوانين ألحدود أهاد لخرا كامل ….جيهة تكون متطورة فيها تكنولوجيا أأخر ما غنات لعقول لمتنورة
… نديرو ميثاق بناتنا … كلشي حر إدير لي بغا … لي قْدَّرْ إِخْرا نارْ إِخْرَّاهاَ… ألحاجة لي كتحكمنا هي لي تعدا علا شي كائن إتلاح ل جيها لاخرا … جيهة ثانية غتكون للأقوى أهمجية لي قد إمشي ليها إمشي …هذا هو لحل أمزال ناقشوه من بعد … هههه تفرويييح ياك.

————–

لبلا الحربوشي